Amhrán na hEascainne

4 May

Leagan Gaeilge den bhailéad ‘Henry my Son’ nó ‘Lord Randall’ an t-amhrán seo atá gaolta go téamúil le go leor bailéidí Eorpacha a chloistear i go leor teangacha. Insíonn an t-amhrán scéal an fhir atá dúnmharaithe ag a bhean le nimh. Agus é ar leaba a bháis, fiafraíonn a dheartháir air céard a fhágfas sé ag a mhuintir. Freagraíonn sé i gceann de an véarsaí le fonn díoltais ar a bhean á damnú go hifreann.

This is an Irish language version of the well-known folksong ‘Henry my Son’ or ‘Lord Randall’, a murder ballad thematically related to many European ballads in various languages. The song narrates the tale of a man who has been poisoned by his wife. On his death bed, his brother asks him what he will leave to his family members. He replies in one of the verses with a scathing revenge for his wife, damning her to hell.

Amhrán na hEascainne

Cé raibh tú ó mhaidin, a dheartháirín ó?

Cé raibh tú ó mhaidin, a phlúr na bhfear óg?

Ag iascach is a’ foghlaeireacht, cóirí mo leaba dhom

Tá mé tinn fá mo chroí agus ligí dhom luí.

Céard a d’ith tú ar do dhinnéar, a dheartháirín ó?

Céard a d’ith tú ar do dhinnéar, a phlúr na bhfear óg?

Ó, eascann a raibh lúb uirthi, nimh fuinte brúite uirthi

Tá mé tinn fá mo chroí agus ligí dhom luí.

Céard a fhágfas tú ag do dheaidí, a dheartháirín ó?

Céard a fhágfas tú ag do dheaidí, a phlúr na bhfear óg?

Ó, eochair mo stábla aige, sin is mo láir aige

Tá mé tinn fá mo chroí agus ligí dhom luí.

Céard a fhágfas tú ag do dheartháir, a dheartháirín ó?

Céard a fhágfas tú ag do dheartháir, a phlúr na bhfear óg?

Ó, eochair mo thrunc aige, sin is míle punt aige

Tá mé tinn fá mo chroí agus ligí dhom luí.

Céard a fhágfas tú ag do mháithrín, a dheartháirín ó?

Céard a fhágfas tú ag do mháithrín, a phlúr na bhfear óg?

Dá bhfágfainn an saol brách aice d’fhágfainn croí cráite aici

Tá mé tinn fá mo chroí agus ligí dhom luí.

Céard a fhágfas tú ag an mbean phósta, a dheartháirín ó?

Céard a fhágfas tú ag an mbean phósta, a phlúr na bhfear ó?

Ifreann mar dhúiche aici, na flaithis a bheith dúinte uirthi

Tá mé tinn fá mo chroí agus bead go deo deo.